One fine day… isang araw na halos walang pinagkaiba sa mga nakaraang araw… akala ko lang pala yun… kanina habang papatawid ako sa kanto namin may isang minibus na nakaparad sa harap ko, then pag tingin ko sa kabilang side ng kalye may nakita akong Saulog na bus kaya nagmadali akong tumawid para makasakay na sana akala ko kasi Olongapo. Byaheng Olongapo kasi ang sinasakyan ko kapag papasok ako ng opis, sa Boni pa kasi ako napasok.

Ayun nga sa pagmamadali kung tumawid hindi na ko lumingon sa kaliwa ko kasi nakatigil naman yung minibus eh. Saktong paglampas ko sa minibus nakatingin ako sa kanan ko (sinisipat ko kasi kung Olongapo nga yung byahe ng Saulog) bigla ko na lang naramdaman na parang lumipad ako sa ere at pagkatapos bigla akong bumagsak sa kalye. Pagkabagsak ko parang walang nangyari, bigla akong tumayo at pumunta sa gilid ng kalsada, inaantay ko na lang lumapit sa akin yung Saulog para makasakay na ako, pag lapit ng Saulog byaheng Lawton pala, badtrip nagmadali pa naman ako tapos hindi rin pala ako makakasakay.

Saka ko na lang napuna na nabangga pala ako ng motor, lumapi na kasi sa akin yung driver nung motor at tinanong nya kung ayos lang ba ako. Pinakiramdaman ko muna ang sarili ko saka ko sinabi na ok lang ako. Gasgas sa tuhod at siko lang ang inabot saka bugbog na palad, yun kasi ang pinangsangkalan ko nung bumagsak ako. Pagkatapos naming mag-usap ng driver may dumaan ng Saulog na byaheng Olongapo at sumakay na ako para pumasok. Pagkasakay ko balik sa dati, parang walang nangyari kahit masakin ang tuhod, siko at palad ko. Papasok ulit ako at uuwi….

“Assumptions are the termites of relationships.”

~ Henry Winkler ~

Kakagaling lang namin sa 2 days 1 night trip sa Anawangin Cove sa San Antonio, Zambales. Actually pangalawang punta na namin yun sa Anawangin Cove, nabitin kasi kami nung unang punta namin eh kaya nagpasya kaming bumalik ulit duon. Nung unang punta namin sa Anawanging Cove nag Side Trip kami sa sa Capones Island bago umuwi. Ngayon naman sa Camara Island kami nagpunta. Maganda din naman sa Camara Islang, maalaon nga lang ang beach area. Sabi nga nila pang surfer daw ang Camara Island.

Nung huling nagpunta kami 12 lang kami pero ngayon 18 lahat kami. Di pa kasama sa bilang yung ibang office mate namin na umakyat ng Mt. Pundaquit, bale 16 din sila, nakahiwalay din kasi sila sa camp namin. Definitely mas masaya ngayon ang punta namin kesa dati kasi bukod sa marami na kami mas marami pa yung food namin… nung unang punta kasi namin para kaming pulubi, konti lang yung food na binili namin, hehehe. Tapos medyo nagbago din yung place kasi nadagdagan ng mga cr, then may maliit na tindahan pa ng yelo, soft drinks at alak.

At dahil masaya na naman ang experience namin, malamang lamang bumalik ulit kami sa Anawangin Cove. Gusto mo ba sumama?

Tip lang…. iwasan nyong makipag transakyon kay Aling Jologs. Kung hahanap kayo ng bangka mas mabuting kausapin nyo mismo yung mga bangkero wag na kayong makipag usap sa mga middle-man tulad ni Aling Jologs.

Sumali ako sa contest na Project Lafftrip Laffapalooza dahil sinabihan ako ng kapatid ko na sumali dito, hehehe. Anyway para makasali kailangan iboto mo ang mga paborito mong comedy blogs. At eto ang aking boto:

1. Green Pinoy - tunay ngang nakakatawa at nakakatuwa ang blog na ito. Pero alam nyo ba na nakakatawa rin si Jason sa personal? Si Jason lang naman ang tao sa likod ng Green Pinoy.

 2. Rhapsody - Blog ng kapatid ko…. iboto nyo sya.

3. Kwentong Tambay -Matatae ka sa kakulitan dito.

Panahon na para ipakita sa buong mundo ang kagandahan ng Pilipinas. Kasalukuyan ngayong nagaganap ang pagpili sa bagong pitong Wonders of Nature. At tatlong lugar sa Pilipinas ang maswerteng napasama sa top 77. Magtulungan sana tayong lahat upang mapasama ang tatlong magagandang lugar sa Pilipinas sa top 7. Maari ka pang bumoto hanggang December 31, 2008. Bumoto ka dito -> http://www.new7wonders.com/nature/en/vote_on_nominees/

Read more…